التقديم علي تاشيرة أسبانيا
اسبانيا الحمدلله كل الناس الي قدمت ورقها معايا بنسبة ٩٥٪ خدت التاشيرة و بالنسبة للناس الي ترفضت تقدم تاني وتالت و رابع لحد ماتخدها طيب هعيد البوست
ازاي تقدم علي اسبانيا
إجراءات التأشيرة
• التقديم من خلال مكتب BLS Spain و عنوانه 20 جزيرة العرب – المهندسين
• بيتم تحديد موعد من على الموقع و تنزيل كل الفورمات المطلوبة
• الموقع عليه معلومات مفصلة عن إجراءات التقديم
https://egypt.blsspainvisa.com/tourist-visit.php
المستندات المطلوبة للحصول على الت
١- أبليكيشن التقديم وهتلاقوه في اللينك ده
https://egypt.blsspainvisa.com/pdf/Schengen_Application.pdf
٢- جواز سفر سارى و صورة من صفحة البيانات و كل الصفحات اللى فيها أختام أو تأشيرات
٣- صور شخصية حديثة خلفية بيضا مقاس 3.5×4.5
٤- شهادة تحركات للى مسافرش دول الشنجن قبل كده وممكن تضيف باسبورك القديم
٥- كشف حساب سارى اخر 6 شهور
٦- صورة من البطاقة مترجمة هتلاقوه علي اللينك ده
https://egypt.blsspainvisa.com/…/National_ID…
٧- خطاب من جهة العمل للموظفين أو سجل تجارى و بطاقة ضريبية لأصحاب الأعمال أو شهادة قيد حديثة للطلبة
٨- حجز طيران مبدئى
٩- حجز فندق مؤكد بصراحة الوهمي رفض ناس
١٠- تأمين سفر بقيمة 30 ألف يورو يغطى فترة الرحلة (من شركات التأمين أو السياحة بيغطي المبلغ بس عشان في ناس فاكره ده سعره 😅)
١١- وثيقة الزواج مترجمة للأسبانية من العباسية فى حالة سفر الزوجين أو تقديم أحدهما مستندات خاصة بالآخر
طبعاً كل المستندات بيتم تقديم أصل و صورة و يتم الترجمة للنجليزي او اسباني لو المستندات بالعربي فى القانون الجديد مسموح التقديم قبل تاريخ السفر بـ 180 يوم و مش أقل من 15 يوم
بتدفع الرسوم في السفارة وبتسيب كل الاوراق
الإجراءات بتاخد 15 يوم فى العادى و ممكن توصل لـ 45 يوم فى أوقات الزحمة
اي سؤال اكتبه في الكومنت
